الدروبشيبينغ الدروب شيبنج ممنوع واغلاق الحسابات ؟؟

مابقى مايدار فإيباي ، الدروبشيبينغ ولا ممنوع وكيسدو الحسابات ، ايباي شادة العكس مع المغاربة.

هذا حساب ديالي الثاني حليتو غير كنجرب فيه. الطريقة لي قلبت بيها على المنتوجات بسيطة ويدوية مكاين لا تول لا زيك،

كنمشي ل amazon best seller كنهز سمية منتوج عشوائي وكنرجع لإيباي وكنقلب على داك المنتوج.

كتفيلتري السيرش ل fixed price + sold item
كنشوف الدروبشيبر لي باعو مزيان داك المنتوج كندخل نتجسس على الليستينغ ديالهم

كنشد اخر ليستينغ ديال كل دروبشيبر وكنليستيهم عندي. ماشي ضروري يكون باع فداك المنتج المهم يكون الليستينغ باقي جديد وداك المنتوج مكاينش بزاف فايباي.

من بعد أقل من شهر هدي هي النتيجة مع العلم الحساب كان جديد 0 فيدباك + مكاينش شي مجهود فالخدمة 15 دقيقة يوميا بسبب ضيق الوقت.

فما بالك لو كان الواحد معندو مايدار يعطي غير ساعتين بحث وساعة ليستينغ يوميا. + شي سويعة ولا ساعتين يتعلم حوايج جداد فالضومين ويطور اللغة الانجليزية. 

وماشي ديرها اسبوع ولا شهر متبانلكش نتيجة تمل وتحبس، غادي تكون رتكبتي خطأ كبير.

مفتاح النجاح هو الاستمرارية والعمل الجاد وان شاء الله النتيجة غادي تكون مبهرة وعمرك حلمتي بيها.


منقول من مجموعة فيسبوك : http://bit.ly/2DXJQRM






TAG

عن الكاتب :

ليست هناك تعليقات

إرسال تعليق

الاسم

بريد إلكتروني *

رسالة *